馃攷Plan Nacional de Educaci贸n EIB en Quechua
RIQSICHIKUY
Piruw suyunchikqa achka achka simiyuq, achka achka llaqtayuqmi. Allpanpim 54 hatun llaqtakuna 47 simikunata rimastin tiyanku. Imaymana rikchaq kawsayqa hatun suyunchikpaqqa allin punim, kay rikchaykunam yachanakunapiqa imaymana ruraykunawan qawana, chaymi Achka Simi
Kawsaypura Yachay (ASKAY) llamkaypas rikurimun Kawsaypura Yachaypas (KAY) rikurimun.
Kaynam YACHAY KAMAQ (MINEDU) allin takyasqa llamkay qispichinapaq kawsaypurata hapiykun, chaynam imaymana rikchaq llaqtakunapiqa allin umayuq warmakunata qispichinqa, allin yachaykunam kanqa.
Lliw Piruw suyu yachakuqkunam kawsakuyninkumanhina siminkumanhina qispinankupaq punkukuna kicharisqa kanan, kaynam imaymana rikchaq ayllukuna kasqanmanhina Piruw suyu runahina, Awya Yala runahina, Tiqsi muyu runahina kuyakuywan qawachikunqa.
Kaynam lliw runankuna llaqtankupaq allin chanichasqa qurimanhina tikrakun. Kaynam imayman聽 kayninku, i帽ikuyninku, yachayninku, takiyninku, tusuyninku ima llaqtanpa kallpanhina rikurin.
ASKAYqa ayllukunapa wawankuna yachachinanpaqmi puririchkan, ASKAyqa qaritapas warmitapas chay kaqllatam qawan, ASKAYqa allin, ASKAYqa allin sumaq takyasqa yachaykunatam ayllu runakunaman qaywan.
Ayllu yachakuqkunaqa (wawakuna, warmakuna, maqtakuna, sipaskuna, yuyayniyuq warmi qarikuna)kikinkupa siminpi, kawsayninpi聽 yachachisqaqa allintam yachanku, kaynam huk rikchaq kawsaykunamanpas kicharisqa kanku, kastilla simitapas allinta rimanqaku hinallataqmi inlis simitapas huk karu runakunawan rimananpaq yachanqa. Kaynam ASKAYqa lliw runakunapa kawsayninmanhina siminmanhina yachachisqa kananpaq qimipayan, hinallataqmi ayllu simin chinkaypi帽a tarikuptin yapamanta kallpachachin, kaynachiki yapamanta sapinmanhina kuyakuynin yapamanta waytarimunqa.
Achka Simi Kawsaypura Yachay Mastarinapaq Unanchasqaqa llamkaqkunapa rurananmi kan, kay unanchasqam ASKAYta imaymana yachay wasikunapi allinta kallpachachinqa.
Achka Simi Kawsaypura Yachay Mastarinapaq Unanchasqa maytuqa tapupakuspa, tapupakuspa, hu帽unakuspa, hu帽unakuspa qispichisqa maytum. Kay llamkaytam ASKAYU, DIGEIBIRA ukunpi kaq llampu sunquwan umacharqa.
Kamachikuytawan unanchasqa maytu purichiyninqa lliw Piruw suyu ukupi llamkaq yachay wasikunam, llaqtakunapa qullanankunam puririchinanku.
Kay unanchasqa maytupa munayninqa kaymi: 2021 watapaqa ASKAY kamachisqanmanhina lliw wawakuna, warmakuna, maqtakuna, sipaskuna, yuyayniyuq warmi qarikunam allin chuyachasqa sumaq yachayta chaskichkananku.
Descarga el documento completo aqu铆:
Fuente: Minedu
En este sitio web podr谩s encontrar mucha informaci贸n relacionada a la educaci贸n intercultural biling眉e, por ello te invitamos a explorar mas nuestra p谩gina principal donde podr谩s encontrar todo lo que necesites para tu labor docente. No te olvides de compartir nuestra publicaci贸n en tus redes sociales y ponerle un like a muestra p谩gina en facebook: S铆guenos en facebook
